輕井澤之旅! 超可愛Miffy精品麵包店!

Miffy Forest Kitchen 今次喺輕井澤旅行發現咗喺舊輕井澤銀座通有一間好靚嘅Miffy 主題的雜貨同麵包店，叫做Miffy Forest Kitchen。雖然唔係Miffy愛好者，但去咗見到好多野都好靚，仲有好多期間限定嘅商品賣，覺得好值得去睇睇😆！ 原來呢間Miffy店係2021年先新開張，綠色嘅店面設計好有森林感襯番輕井澤，店入面好靚，仲有好特別嘅麵包舖，有好靚期間限定嘅Miffy特色麵包。最特別同吸引人嘅係Miffy 頭麵包，超可愛，如果買咗都有唔捨得食落去嘅感覺😆。店內仲有好多限定商品好似零食品，文具，公仔等。 ～ Barbara cube (Apple) ¥302日圓 我都忍唔住買咗Miffy家族成員麵包，正方體麵包好得意，外表紅色，印有公仔頭，入面係充滿咗甜甜嘅蘋果果肉，呢個仲係輕井澤限定商品。呢個麵包唔單可愛，而且味道都好好食。麵包本身又香又有咬口，蘋果肉嘅甜度都好啱，唔會太甜，份量仲好多。 相信中意Miffy嘅人黎到呢度一定好興奮，可以買到唔同嘅精品同食到咁可愛嘅Miffy包點😍！ みっふぃー森のきっちん＆べーかりー軽井沢店 Miffy Forest Kitchen 📍長野県北佐久郡軽井沢町大字軽井沢559番地(旧軽井沢銀座通り） 營業時間： 星期一 至 星期日， 9:30am - 17:30pm （冬季時間 12月6 至3月5， 9:30am - 17:00pm） *營業時間可能有變，出發前請自行到官網確認。 https://miffykitchenbakery.jp/#access 🎌推介程度：❤️❤️❤️❤️❤️ #輕井澤#可愛#Miffy#MiffyForestKitchen#精品#麵包店#烘焙#商店#必去#GiftShop#舊輕井澤銀座通#東京近郊#人氣景點#旅遊#推介#必到#日本#日式#日本之旅#japan#自由行#必去#好去處#熱門菜式#打卡#攻略#chill#週末#日本必食#旅行美食#旅行打卡